heimagert náttúrulegt strandarkrullusprey

Þetta er alger snilld og voða gott fyrir hárið og náttúrulegt og allt það!
Á ensku kallast þetta beach wave spray eins og mörgum er kunnugt og eru til alveg ótal útgáfur á því á netinu, sjá til dæmis hér.

Innihald: 

250 ml soðið vatn (1 bolli)

3 tsk sjávarsat (gróft)

1tsk aloe vera gel

1tsk hárnæring

1 tsk kókosolía

Tómur spreybrúsi

• Hellið vatninu ásamt saltinu í brúsann og hristið.
• Bætið gelinu, hárnæringunni og kókosolíunni útí og hristið aftur. 
• Spreyjið í rakt hár og njótið!

Ég fór í sturtu um morguninn og setti spreyjið í eftir það. Myndin er svo tekin seinnipart dags þegar ég er búin að fara í skólann og alles. Ágætis ending bara!

Núna er ég búin að prófa það nokkrum sinnum og ég verð að segja að þetta er að virka mjög vel á hárið á mér. Oft eiga svona strandsprey það til að þurrka upp hárið vegna saltsins, en þar sem olían, gelið og hárnæringin kemur á móti verður hárið á mér silkimjúkt. Ég mæli með að þið prófið, ódýrt og virkar vel. 

kjóll

 Ég fann svo ótrúlega fallega munstrað bómullarefni í útsöludeildinni í Virku. Ég stóðst ekki mátið og saumaði mér þennan kjól. Sniðið kemur úr nokkrum áttum, bolurinn úr einum kjól, ermarnar úr öðrum og pilsið þeim þriðja. Ég er mjög sátt með útkomuna!
Mæli með útsöludeildinni í virku fyrir ykkur sem nennið að sauma, það kom mér á óvart hvað þetta efni virkaði í kjól (miðað við að vera bútasaumsefni).

5 diy hugmyndir, skipulag

Get Shit done dagatal hjá Love Aesthetics

Skipulagsmappa hjá Monsterscircus

Minimal karfa hjá Monsterscircus

Dagatal hjá A Pair And A Spare

Minningakassar hjá A Pair And A Spare 

Því að það getur verið svo gaman að vera skipulagður!

Heimaföndur

Hér klippti ég út fallegar myndir, liti eða áferðir úr tímaritum og hengdi upp með kennaratyggjói. 

Fánarnir eru líka gerðir úr litríkum pappír eða tímaritum og límdir á band, svo notaði ég þetta fína appelsínugula límband til þess að hengja fánana á vegginn. 

SMOOTHIE

Þessi inniheldur:

2 Epli

2 Banana (einn frosin)

Frosna berjablöndu og hindber

Engifer

Cawston Press Apple & Ginger safa til að þynna

Ég notaði svo töfrasprota til að blanda öllu saman. 

Svo góður og girnilegur að Batti litli grátbað um að fá að smakka.

DIY: VAXLITA VARALITUR

Mér fannst þetta svo mikil snilld þegar ég rakst á svona á internetvafri mínu að ég gat bara ekki trúað að þetta væri satt. Ég fór strax að leita um allt hús að vaxlitum en fann því miður enga. Ég fór beint að kaupa mér vaxliti því ég varð að prófa þetta.  Við studdumst við ÞESSA uppskrift og þetta er mjög auðvelt!

Það sem þarf í einn varalit:
1 Vaxlitur
1/2 tsk kókosolía, við notuðum lyktarlausa (rúmlega)
1/2 tsk ólívu olía eða önnur grænmetisolía (rúmlega)

Svo bræddi ég þetta í glerkrukku og hellti svo í ílát. Við komumst að því að það er þægilegast að nota gamalt varsalvahulstur til að setja þá í eins og t.d. þessi BurtsBees hulstur sem við notuðum. Þá er nefnilega einfaldast að setja varalitinn á. Það er svo sem ekkert mál í dollunum heldur ef maður á góðann varalitapensil. Þessar litlu dollur/krukkur eru úr Söstrene Grene.

Ég mæli með að prófa, litirnir eru rosalega fallegir. Þeir sitja vel á og eru mjúkir og góðir fyrir varirnar.

Mynd 1: google.com // Mynd 2: Katla