H A T T U R

Þegar ég var í Hamborg um daginn keypti ég mér þennan fína hatt úr American Apparel. Ég stóðst ekki freistinguna því mér fannst hann svo flottur. Ég var búin að leita lengi og í mörgum búðum, meðal annars búin að láta Mögnu kíkja í nánast allar búðir í Stokkhólmi. Svo loksins fann ég þennann eina sanna í Hamborgarferðinni með Stellu minni.
Þessi verður mikið notaður!

Batti, ekki í neitt sérstaklega miklu myndatökustuði..

svartar gallabuxur

Svartar gallabuxur eru einfaldlega ekki bara svartar gallabuxur. Þær geta verið svo rosalega mismunandi og misendingargóðar. Hér að neðan ætla ég að útlista þremur af mínum uppáhalds týpum. Svartar gallabuxur eru nefnilega eiginlega minn einkennisbúningur. Ég er nánast alltaf í svörtum gallabuxum, hvort sem það sé við bol eða kjól eða skyrtu eða eitthvað annað. Mér finnst nefnilega ekkert sérstaklega þægilegt að vera í sokkabuxum..

Topshop - MOTO Leigh

Kostir: Þunnar. Þægilegar. Vasar bæði að framan og aftan. Gott snið. Falleg áferð á efninu, svona hálf glansandi.

Gallar: Þunnar. Litur dofnar með tímanum (eins og með allar svartar gallaxur ). Þær eru ekkert sérstaklega endingargóðar, fyrsta parið mitt rifnaði um daginn í klofinu á mjög svo óheppilegum tíma, en ég var í vinnunni að beygja mig niður að sækja eitthvað og úpps! Þær bara rifnuðu, sem betur fer kom Katla í vinnuna til mín með buxur til skiptanna. Á hinu parinu af svona buxum sem ég á eru saumarnir á rassvösunum farnir að slitna þannig að vasarnir hálfhanga á. 

Gina Tricot - Lisa

Kostir: Þægilegar. Úr þykku gallaefni, samt mjúkar. sterkar og endingargóðar. 

Gallar: Það eru engir vasar framaná, bara svona gervivasar, ég tel það galla. Litur dofnar með tímanum (eins og með allar svartar gallaxur ).

Dr. Denim - Plenty

Kostir: Ofur mjúkar og teygjanlegar. Þunnar en samt ekki of þunnar. Þægilegt snið, mjög mjúkar í mittið. Háar í mittið. 

Gallar: Ég er svo nýbúin að fá mér þessar að ég er ekki búin að finna neina galla við þær ennþá. Ég er þó viss um að liturinn eigi eitthvað eftir að dofna með tímanum. 

Þessar týpur eru allar með mjög gott snið og eru þæginlegar. Ég myndi setja Dr. Denim í fyrsta sæti samt, því að þær eru svo ofur mjúkar. Gina Tricot í öðru og svo Topshop buxurnar í því þriðja. Þetta eru allavega mín þrjú uppáhalds snið. Næstu kaup verða pottþétt aðrar svona Plenty buxur. 

Ps. Ef að þið eruð með svona litadaufar gallabuxur og eruð ekki að fíla það þá er hægt að kaupa svartann fatalit í t.d. Litir og Föndur og skella í þvottavélina með buxunum. Þá verða þær nánast eins og nýjar aftur!

eftirlætis djúsinn

Epli, sellerí, engifer, lime og mynta, namm!

Fimm dagsins

Ég keypti mér þennan fína Zöru leddara fyrir sumarið um daginn. Leyst svo vel á hann því hann er í síðari kantinum og með hæfilega stórum vösum.

Þar sem ég er með handabök á við sandpappír er ég mikið fyrir góða handáburði. Crabtree & Eveln handáburðirnir eru ótrúlega góðir og svo mikið af gerðum! Þessi er í uppáhaldi því hann er með svo mildri og góðri lykt.

Elsku litli Chuck Bass USBinn minn. Keypti hann í Hagkaup bæði því hann var svo sætur og svo er hann líka 8GB, sem er nóg pláss til að raða inná hann Gossip Girl þáttum eða öðru nytsamlegu.

Urbanears! Keypti þau í Washington á ótrúlega góðu verði í Urban Outfitters. Yndælustu heyrnatól sem ég hef átt, svo mjúk og þæginleg og einangrar öll önnur hljóð. Svo er líka svona takki til að stoppa tónlistina eða svara í símann.

Karamellu frappó frá Te og Kaffi er búið að vera í uppáhaldi í svolítin tíma og ég fæ oft svona sætukaffidrykkjakreiv

krullur

Það virðist vera komið aftur í tísku að fá sér permanent núna. Við systurnar tókum því fagnandi og örkuðum báðar beint í permanent fyrir þónokkru síðan. Ætli það séu ekki komnir um tveir mánuðir núna. Hér að neðan má svo sjá mynd af því hvernig hárið á mér lítur út núna. Mér finnst það bara hafa haldið sér mjög vel. Hjá mér þ.e.a.s. en hjá Kötlu lak það úr eftir svona viku. Hún er með svo eindæmum heilbrigt hár hún Katla systir mín.
Allavega, ég ætlaði að deila með ykkur góðum ráðum og vörum í krulludeildinni ef að einhver ykkar er í sama pakka.

1. Sjampó. Þetta er ekki eiginlegt krullusjampó en hárinu á mér líður svo vel af þessu að ég ákvað að vera ekkert að breyta til eftir að krullurnar komu. Það sem ég nota er einmitt þetta, Pure no. 01 en það eru til margar tegundir og ég held að barasta allar vörurnar frá Zenz séu súper góðar.  Þetta er allavega umhverfisvænt og náttúrulegt og fæst hjá Feimu Hárstofu.
2. Hárnæring. Krulluhárnæring fyrir krullað hár, við keyptum svona brúsa eftir permanettið, er samt ekki alveg sannfærð um að það sé einhver munur á að nota krulluhárnæringu og venjulega hárnæringu, það er allavega góð lykt af henni! Þessi fæst í Hagkaup ásamt hinum John Frieda vörunum. 
3. Hárolía. Mmmmm mig langar að búa í krukkunni það er svo sjúklega góð lykt af henni. Svo verður hárið svo mjúkt og fær svo fallega heilbrigðann glansa af þessu. Algert töframeðal. Hægt að kaupa þetta á mörgum hárgreiðslustofum. 
4. Hárfroða. Þegar ég vil að krullurnar haldist extra vel smelli ég í þessari froðu í lófana og set í rakt hárið.
5. Krullusprey. Þegar ég vil hafa krullurnar aðeins léttari en láta þær halda sér samt yfir daginn. Meira kasjúal svona. 
6. Vatnsbrúsi. Snilld til að fríska uppá, þessar krullur elska vatn. Smá vatnsspraut og það bara lyftist. Þennan fékk ég nú bara í IKEA.

Á þessum myndum er ég tiltölulega nýbúin í sturtu, enn með rakt hárið og ekki búin að setja neitt í það nema olíuna góðu. Ágætis liðir bara eftir allan þennan tíma. 

eftirlætis

Okkur datt í hug að hafa sér flokk með eftirlætis hlutunum okkar. Þó að við séum mjög líkar að mörgu leiti þá getum við líka verið mjög ólíkar með það sem er í eftirlæti hjá okkur, hvort sem það séu föt, snyrtivörur eða aðrar nauðsynjavörur.
Við viljum þó byrja á einu sameiginlegu eftirlæti.

Eftirlætis varasalvinn okkar er Burt´s Bees tinted lip balm, í nánast hvaða lit sem er! Og þó, Rose og Red Dahlia eru líklegast í mestu eftirlæti hjá okkur. Við erum allavega alltaf með að minnsta kosti einn í vasanum eða veskinu hvert sem við förum.

eftirlætis

Úr fataskápnum

Ég keypti mér þennan fallega kjól í Indiska í vikunni og ég elska munstrið og sniðið er mjög þæginlegt.
Ég sé fram á að nota hann mikið í sumar við leðurjakkan eða létta kápu.