múslí

Hér er uppskrift af súper einföldu og góðu múslíi. Uppskriftin er algjörlega eftir mínu höfði, ég var mikið búin að leita að einfaldri og góðri en fann aldrei neina sem hentaði mér, svo úr varð þessi.

Innihald:
haframjöl
hnetur
kókosflögur
kókosolía
agave sýróp
akasíu hunang

þurrkuð ber/
þurrkaðir ávextir

Eins og þið sjáið eru engar mælieiningar. Ég byrja á að mylja hneturnar, ég notaði kasjúhnetur (notaði u.þ.b. 200gr) en ég mæli með að þið notið bara það sem ykkur finnst gott.
Svo skellti ég slatta af haframjöli á pönnu ásamt helmingnum af hnetunum.
Ég setti út á það dass af kókosolíu, dass af agave sýrópi og dass af hunanginu, á ég að segja dass einusinni í viðbóti? Dass.
Hafið pönnuna á meðalhita.
Hrærði svo öllu saman með trésleif. Það þarf að fylgjast vel með og hræra í, því á skömmum tíma byrjar þetta að brúnast og við viljum ekki að það brenni.
Þegar blandan byrjar að brúnast á að hræra vel og þegar þér finnst liturinn orðin fallega gullin er öllu skellt á bökunarpappírsklædda bökunarplötu og leyft að kólna.
Þá gerið þið helming númer tvö, mér finnst gott að gera þetta í tveimur hlutum svo að pannan sé ekki yfirfull. Ég mæli með að smakka á fyrri helming og athuga hvernig ykkur líkar, kannski viljiði hafa meira sætt eða minna og þá breytiði hunangs og sýrópshlutföllunum fyrir seinni hlutann. Setjið svo seinni helminginn á plötuna með fyrri helmingnum og leyfið aðeins að kólna.
Að lokum er bara að bæta út í þurrkuðu ávöxtunum, í mínu tilfelli goji berjum.

Mér finnst svo best að fá mér múslí með Örnu súrmjólkinni, það er voða gott.

einfalt pastasalat

Hentum í þetta eftir vinnu. Pasta, spínat, mozzarella, parma skinka og kirsuberjatómatar. Namm Namm. Borðist eintómt eða með pestói. NammNamm. 

Oreó makkarónur

Ég bakaði þessar guðdómlegu makkarónur á þriðjudaginn. Eftir vinnu hef ég oft mikla þörf fyrir eitthvað sætt og þennan daginn var ég að kreiva oreó. Ég er að followa þennan rosa fancy bakara á instagram sem er alltaf að setja eitthvað girnilegt þannig ég kíkti á bloggið hennar.

Uppskriftin er hér:

og kremið hér:

Instagrammið hér:

 Makkarónurnar sjálfar voru mjög basic en kremið var æði.

Ég mæli klárlega með þessum!

sætindi

Við systur eigum það til að fá alveg ótrúlega sykurþörf. Við áttum um daginn að ákveða eftirmat sem við ætluðum að hafa í matarboði daginn eftir. Við vorum búnar að ákveða að hafa ostaköku og sátum slefandi yfir uppskriftum. Þegar við vorum búnar að skoða svona margar girnilegar uppskriftir af ostakökum var löngunin orðin of mikil! Við urðum að fá ostaköku og það strax!
Það tók okkur ekki langann tíma að vippa þessu upp. Við ætluðum að gera oreo ostaköku, en við áttum bara 2 oreókex.. Þá voru góð ráð dýr. Við gerðum hálfa uppskrift af þessari hér, svo möluðum við ballerínukex í botninn, ostakökusullið ofaná og að lokum muldum við oreókexin tvö ofaná.

Þetta var syndsamlega gott skal ég segja ykkur, og svalaði sykurþörfinni í þetta skiptið. 

Olaf kaka

Ég bakaði þessa fínu köku á föstudaginn fyrir vinkonu mína sem átti afmæli. Þar sem við erum miklir Olaf unnendur. Fyrir þá sem ekki vita er Olaf persóna úr myndinni Frozen .Ég fór á Pinterest og fékk þar margar góðar hugmyndir. Ég gerði skapalón og klippti það út og lagði það ofan á skúffukökuna og skar eftir því.

Kremið er vanillusmjörkrem og svo eru tennurnar og augun sykurpúðar.

Olaf 

smúþí

Finnst ótrúlega gott að byrja daginn á að sötra upp einn svona. Ekki misskilja mig, það er alls ekki nóg, ég þarf líka að háma í mig ristað brauð eða eitthvað annað til þess að verða södd, finnst þetta bara svo súper gott á bragðið! 

Í þennann fór (svona ef að einhver hafði brennandi áhuga á því): Hálfur banani, frosið mango, frosin jarðaber, frosin brómber, pecan hnetur, chia fræ, túrmerik, engifer og Cawston Press epla og engifersafi. Svo kramdi ég þetta allt saman með töfrasprota og saug svo upp með röri á no time!

Gleðilegan föstudag! 

Slurp!

SÆTINDI: DULCE DE LECHE SMÁKÖKUR

Við systur bökuðum þessar æðislegu smákökur í dag. Uppskriftin kemur frá sænska matarbloggaranum Linda Lomelino, en hún gerir mikið af mjög girnilegum uppskriftum eins og til dæmis þessa hér

Þetta dulce de leche er semsagt sweetened condensed milk sem er oft erfitt að finna en við keyptum okkar dós í tælensku búðinni á Laugaveginum á móti Hlemmi. Það eru til ýmsar aðferðir við að gera þetta margumtalaða dulce de leche úr mjólkinni en við settum það í pott og höfðum á lágum hita og hrærðum í um klst eða svo. Mæli með að þið googlið og finnið leið sem að ykkur hentar. 

Þetta eru með bestu smákökum sem ég hef bakað, mæli með að þið prófið sjálf!

avókadó uppskriftir

Datt fyrir tilviljun inná þennan fína link með gómsætum avókadóuppskriftum. Við systur skelltum í númer 1 en áttum ekki geitaost en notuðum kotasælu í staðin. Það var mjög ljúffengt. Ótrúlega margar aðferðir sem hægt er að nota við að borða avókadó. Mæli með að skoða listann.

SÆTINDI: PEKANPÆ

Ég bakaði þetta ljúffenga pæ um helgina og það vakti mikla lukku. Mæli með að þið prufið :)

Í botninn fer:

300 gr hveiti

150 gr púðursykur

150 gr mjúkt smjör

200 gr pekanhnetur

Karamellan:
175 gr smjör
80 gr púðursykur

Aðferð:
Hitið ofninn í 180°C
Hnoðið deigið saman og setjið í botninn á eldföstu móti.
Dreifið síðan pekan hnetunum yfir deigið og inn í ofn í ca. 20 mínútur.
Svo sýðuru smjörið og púðursykurinn saman þangað til sykurinn er bráðnaður, og hellið því ofan á pekanhneturnar.

Njótið!

Brauð-ið

Þessi frábæra uppskrift kemur héðan. Þetta er uppáhalds brauðuppskriftin mín þar sem hráefnin eru fá og einföld  og brauðið er rosa gott. Hef gert svona brauð úr henni en einnig bollur og snittubrauð svo ég myndi segja að það sé allt hægt! 

Í brauðið fer: 

500 g hveiti

0.75 msk ger

0,75 msk salt 

375 ml volgt vatn 

Ath. þetta er hálf uppskrift og úr henni kemur þetta brauð eins og er á myndunum, heil uppskrift er hér.

Aðferð:
Hrærið allt saman í stórri skál með sleif þar til deigið er orðið frekar blautt og klístrað og nánast allt hveitið horfið inn í deigið.
Leggið viskastykki eða plastfilmu yfir deigið og látið það lyfta sér við stofuhita í 2 tíma.
Mótið deigið með hveitistráðum höndum og leyfið því að lyfta sér í hálftíma í viðbót. 

Hitið ofninn í 220°C. Ég leyfði bökunarplötunni að hitna í ofninum líka.

Ég bakaði brauðið í um 30 mínútur og galdurinn við góða skorpu er að hafa eldfast mót með heitu vatni neðst í ofninum.

Ég skar svo svona kross í brauðið rétt áður en það fór í ofninn svo að það lyfti sér betur.

Yndislega ljúffengt. 

Svo má líka geyma degið í ísskáp í allt að tvær vikur og taka af og baka brauð þegar manni lystir!

SÆTINDI: Oreo kaka

Við vorum ekkert að grínast með þessa sætindaþörf sko! Stundum er metnaðurinn meiri og þá er skellt í svona alvöru köku sem þarfnast meiri fyrirhafnar eins og t.d. þessi eða ískökurnar sem hún Katla gerði um daginn.

Uppskriftin af oreokökunni er upprunalega héðan.

Það sem þarf:
1 1/2 bolli sykur
2 eggjarauður
125 g smjör
2 dl karamellujógúrt
1 1/2 tsk lyftiduft
1/2 tsk vanilludropar
1 tsk vanillusykur
3 bollar hveiti
u.þ.b. 12 muldar oreo kexkökur

Aðferð:
Hitið ofninn í 160°C. 
Byrjið á því að hræra vel saman eggjarauðum og sykri. 
Hrærið svo við smjörið, jógúrtina, lyftiduftið, vanilludropa og vanillusykur.
Hrærið hveitið svo saman við með sleif og svo er oreo kexinu bætt útí að lokum.
Bakið í miðjum ofni í um 30 mín eða þar til kakan er orðin gullinbrún. (Mér finnst gott að athuga hvort hún sé tilbúin með því að stinga prjóni í kökuna miðja og ef það kemur ekkert deig með honum er kakan tilbúin.)

Smjörkrem:
Þessi uppskrift er blanda af nokkrum uppskriftum sem hafa verið í uppáhaldi hjá okkur. Í hana fer:
150 g smjör
1/2 tsk vanilludropar
1 1/2 tsk vanillusykur
2 msk sýróp
2 msk kakó
1 1/2 - 2 msk kaffi
500 g flórsykur

Byrjið á að þeyta saman allt nema kaffið og flórsykurinn. Þeytið svo flórsykurinn við í litlum skömmtum og setjið kaffið þegar kremið virðist of þykkt.
Smyrjið svo kreminu á kökuna og myljið oreo kexi yfir.
Njótið með bestu lyst!

SMOOTHIE

Þessi inniheldur:

2 Epli

2 Banana (einn frosin)

Frosna berjablöndu og hindber

Engifer

Cawston Press Apple & Ginger safa til að þynna

Ég notaði svo töfrasprota til að blanda öllu saman. 

Svo góður og girnilegur að Batti litli grátbað um að fá að smakka.

SÆTINDI: einfaldar brownies

Það er ekki sjaldan sem að sykurþörfin gerir vart við sig hér. Þá á ég til að skella í þessar ofureinföldu brownies. Uppskriftin er upprunalega héðan en hún er með örlitlum breytingum frá mér. Það sem ég elska við þessa uppskrift er að hún er alger grunnuppskrift og rosa góð ein og sér, en svo getur maður bætt sjálfur í hverju sem maður vill hafa með við séstök tilefni eins og t.d. hnetur, súkkulaði eða oreo kex.

Það sem þarf:
60 g smjör
5 msk kakó
2 egg
2 dl sykur
1/2 tsk lyftiduft
1/2 tsk vanilludropar
1 tsk vanilluskykur
1 1/4 dl hveiti

Aðferð: 
Hitið ofninn í 175°C. 
Bræðið saman smjör og kakó - í potti eða örbylgjuofni. 
Setjið egg og sykur saman í skál og þeytið létt saman með písk þar til blandan er orðin vel samanlöguð. 
Hellið kakósmjörinu saman við ásamt lyftidufti og vanillusykri og blandið vel saman. 
Bætið hveitinu við og hrærið saman með sleif. 
Smyrjið eldfast mót og hellið deiginu í formið og sléttið yfirborðið. 
Bakið í miðjum ofni í um 20 mín. 

Í þetta skiptið var engu bætt í deigið en ís borðaður með : )