heimagert náttúrulegt strandarkrullusprey

Þetta er alger snilld og voða gott fyrir hárið og náttúrulegt og allt það!
Á ensku kallast þetta beach wave spray eins og mörgum er kunnugt og eru til alveg ótal útgáfur á því á netinu, sjá til dæmis hér.

Innihald: 

250 ml soðið vatn (1 bolli)

3 tsk sjávarsat (gróft)

1tsk aloe vera gel

1tsk hárnæring

1 tsk kókosolía

Tómur spreybrúsi

• Hellið vatninu ásamt saltinu í brúsann og hristið.
• Bætið gelinu, hárnæringunni og kókosolíunni útí og hristið aftur. 
• Spreyjið í rakt hár og njótið!

Ég fór í sturtu um morguninn og setti spreyjið í eftir það. Myndin er svo tekin seinnipart dags þegar ég er búin að fara í skólann og alles. Ágætis ending bara!

Núna er ég búin að prófa það nokkrum sinnum og ég verð að segja að þetta er að virka mjög vel á hárið á mér. Oft eiga svona strandsprey það til að þurrka upp hárið vegna saltsins, en þar sem olían, gelið og hárnæringin kemur á móti verður hárið á mér silkimjúkt. Ég mæli með að þið prófið, ódýrt og virkar vel. 

NEGLUR

Ég elska minimalístískt naglalakk! Ekki bara af því mér finnst það fallegt heldur líka af því ég get verið ógeðslega löt við að viðhalda naglalakkinu mínu. Mér finnst svo ljótt þegar naglalakkið er farið að flagna. Þessvegna hefur þessi naglaskreyting verið mikið notuð og í miklu uppáhaldi. 

Ég var að renna í gegnum uppáhalds bloggið mitt um daginn og rakst á þessar neglur og ákvað að prufa sjálf. Mér finnst það nú mjög fallegt en það fékk ekki að halda sér lengi. Ég hreinsaði heilu svörtu neglurnar þegar þær fóru að flagna og efri punktinn á hinum nöglunum. Ég hélt mig svo við neðri punktinn og bætti honum líka við á hinar neglurnar. Mér finnst það koma mjög vel út en er því miður ekki með mynd fyrir ykkur. Ég gerði punktinn með því að dýfa tannstöngli í naglalakk en ef þið eigið naglapenna er mjög sniðugt að nota bara svoleiðis. 

eftirlætis

Okkur datt í hug að hafa sér flokk með eftirlætis hlutunum okkar. Þó að við séum mjög líkar að mörgu leiti þá getum við líka verið mjög ólíkar með það sem er í eftirlæti hjá okkur, hvort sem það séu föt, snyrtivörur eða aðrar nauðsynjavörur.
Við viljum þó byrja á einu sameiginlegu eftirlæti.

Eftirlætis varasalvinn okkar er Burt´s Bees tinted lip balm, í nánast hvaða lit sem er! Og þó, Rose og Red Dahlia eru líklegast í mestu eftirlæti hjá okkur. Við erum allavega alltaf með að minnsta kosti einn í vasanum eða veskinu hvert sem við förum.

DIY: VAXLITA VARALITUR

Mér fannst þetta svo mikil snilld þegar ég rakst á svona á internetvafri mínu að ég gat bara ekki trúað að þetta væri satt. Ég fór strax að leita um allt hús að vaxlitum en fann því miður enga. Ég fór beint að kaupa mér vaxliti því ég varð að prófa þetta.  Við studdumst við ÞESSA uppskrift og þetta er mjög auðvelt!

Það sem þarf í einn varalit:
1 Vaxlitur
1/2 tsk kókosolía, við notuðum lyktarlausa (rúmlega)
1/2 tsk ólívu olía eða önnur grænmetisolía (rúmlega)

Svo bræddi ég þetta í glerkrukku og hellti svo í ílát. Við komumst að því að það er þægilegast að nota gamalt varsalvahulstur til að setja þá í eins og t.d. þessi BurtsBees hulstur sem við notuðum. Þá er nefnilega einfaldast að setja varalitinn á. Það er svo sem ekkert mál í dollunum heldur ef maður á góðann varalitapensil. Þessar litlu dollur/krukkur eru úr Söstrene Grene.

Ég mæli með að prófa, litirnir eru rosalega fallegir. Þeir sitja vel á og eru mjúkir og góðir fyrir varirnar.

Mynd 1: google.com // Mynd 2: Katla